للوناااااااااااااااااااسه

مرااااااااااااااااااااااااااااحب
هذا الموضوع قريته في منتدى ثاني
بصراحه استمتعت بالقصه كثيييييييييييييييير
وحبيت تستمتعو معاي


*******
تخيل لو انقلب الحال وصار مكانه البنت زي الولد ومكانه الولد زي البنت
تخيل وش راح يصير
طبعا لما تبغى البنت تتزوج راح تروح تخطب الولد
تعالو شوفو القصه





يعني تتفاجأ في يوم وأنت قاعد تقرأ كتاب رومانسي و مشغل


أغنية رايقة و سرحان في حبيبة مجهولة , الا و أمك داخلة عليك


و توها جاية من الاستراحة و تقولك: يا ولدي ودي أكلمك في موضوع.


ترد أنت بكل خوف : خير يمه؟


تقول أمك: ترى جارتنا أم خالد تبي تخطبك لبنتها.


وأنت ما شاء الله كبرت و احلويت وكلن يبيك. ها وش رايك؟


ثم تنزل أنت راسك في الأرض و تلعب باصبعك في شعرك (أو شنبك)


و ترد و أنت مستحي و خدودك حمرة (هذا إذا كنت محلق اللحية) و تقول:


الشور شورك يا يمه إهئ إهئ


تقول أمك: أنا بصراحة ما أشوف في البنت شي. ما شاء الله عليها محترمة


و وظيفتها زينه و راتبها ممتاز و من عايلة محترمة و من البيت للمسجد


و من المسجد للبيت . ولا عندها سوالف السفر و الخربطة


و ما تشرب خمر و لا تروح لاستراحات البنات. يعني بنت ما عليها.


تقول أنت : بس يا يمه هي ما شافتني من أول. أنا دايما متلثم بشماغي


تقول أمك: هي شافتك و أنت نازل من باص المدرسة بس و سألت عنك


و قالوا لها خوش ولد ماهوب راعي سوق و كوفي شوب و ما يطلع الا مع ابوه.


و تراها هي و أمها جاين يوم الخميس علشان يشوفونك.


تسال أنت: اوكي يمه ابوي شرايه


تقول أمك: أبوك ما يدري خليه حايس في المطبخ يحضر عشا.


تقول أنت :اللي تشوفينه يمه.


وتطلع أمك من الغرفة


وتنط أنت قدام المراية و تاخذ نص لفة يمين و نص لفة شمال


تشوف جسمك و تمشط شعرك و شنبك بدلع و تقول


: اه اخيرا حست و خطبتني.


و قبل يوم الخميس تروح أنت لكوافيير رجالي و تكون مسوي


حجز و تقعد و تصبغ شعرك (ميش) و تدلع


و رجلك بحلاوة و تطلع زي فلقة القمر


وتجي البيت و تلبس الثوب اللي فصلته عند المصمم( عبده شولق)


لثياب الأعراس و الحفلات واللي فيه فتحة من عند الساق و فتحه في


الظهر و بدون اكمام و ذاك المكياج وذاك العطر و تنزل للصالة


ويقولك أبوك : يالله دخل العصير على خطيبتك ترى أمك ذبحتنا تسال عنك


تقول أنت بكل خجل: واي واي يا يبه أنا استحي


أبوك يقولك وهو يطق على كتفك و يضحك يا ولد روح لعروسك إهئ إهئ


تقول أنت: يا يبه دايما تحرجني أنت واي واي


و تاخذ صينية العصير و تخش المجلس اللي فيه البنت و تقول بصوت


ناعم: احم احم الس سسسلام عليكم(صاير حكيم على غفلة)


ترد هي بعد ما وقفت و عليكم السلام ( و هي تناظر فيك و في كل قطعة فيك)


و تقولها تفضلي


تقول هي: وش الاحلى العصير الاحمر و لا الأصفر؟ بزعمها تبي تلطف الجو معك


تقول أنت: كله حلو


تقول هي: أكيد كله حلو لانك أنت اللي مسويه



ثم تحط الصينية بسرعة و يدك على فمك و تضحك و تروح داخل بسرعة


الا إخوانك يستنونك و يقولون: ها وشلون شكلها


تقول أنت: واي واي تهبل تهبل حلوة و دمها خفيف و ذوق اهههههه


الا أبوك من المطبخ (يزغرط بالمصري)


لللللللوووولللللوووووشششششششش مبروك يا ولدي


الا بدخلة أختك العربجية من بره و حاطه عبايتها على كتفها


و معلقة السجارة في فمها و تقول : خير وش فيه


يقوله أبوك : قصري صوتك في وحده داخل خطبت أخوك


تقول أختك: وهي وين شافت اخوي علشان تخطبه هاه؟؟؟؟


و تعطيك كف و تصرخ والله لالعن أمها اللي جايه تخطب اخوي


إلا بدخلة أمك و تضرب أختك كف و تطلع أختك بالسيارة و تشفط


و تروح للاستراحة البنات . ::


و تمر الأيام و أنت تجهز ثوب العرس و الكوشة و بيت الزوجية


و خلال هالفترة تمرك زوجتك بالسيارة تتمشون و تحاول


إنها تمسك أيدك و أنت مستحي ( ومن هناك ودك و بتموت)


و يجي يوم العرس و تقعد أنت في الكوشة و كل الشباب حوالينك


يرقصون و يغنون على أنغام طيران فرقة الشاطئ للرجال


وشوي الا العفسة قايمة : ترى العروس جايه



و ينطون الرجال و الشباب كلن يلبس شماغه و يتلثم


و تدخل العروس مع أمها و أخواتها (أخواتها يتمخترون قدام الشباب )


و تقعد العروس جنبك و ترفع الطرحة (طرحة البسام بصمة خمسة)


و تقولك: الله صاير مثل القمر


ثم تلف وجهك وأنت مستحي


و يتم الزواج و بعد ايام العسل والدلع يبدا الخلاف


وتتخانقون ساعات و تنام و دمعتك على شنبك


ويزيد حدة الخلاف و تاخذ شماغك و عيالك و تروح لبيت اهلك


و تصلح أمك ما بينكم و ترجع الحياة مثل أول.




بس ذكرني الموضوع بطاش مطااااش نااااااااصر القصبي يوم فييي النهاااية يطلع حااامل ههههههههههههه
تحيااااااااااااااااااااتي

مشكور ...

ههههههههههههههههههههههههه


ناعم: احم احم الس سسسلام عليكم(صاير حكيم على غفلة)


ترد هي بعد ما وقفت و عليكم السلام ( و هي تناظر فيك و في كل قطعة فيك)


و تقولها تفضلي


تقول هي: وش الاحلى العصير الاحمر و لا الأصفر؟ بزعمها تبي تلطف الجو معك


تقول أنت: كله حلو


تقول هي: أكيد كله حلو لانك أنت اللي مسويه



ثم تحط الصينية بسرعة و يدك على فمك و تضحك و تروح داخل بسرعة





بصراحو جنااااااااااااااااان والله

الله يعطيك العفية ع النقل الحلو

الموضوع حلو مرة
واي واي

بس انا حاس انه سبب حساسية

تسلمو على المرور
بس استغربت يا اخ طوفان من قولك انه سبب حساسيه
مع اني موضوع مجرد فكاهه لاغير

الله يعطيك العافية يالغالي

بس بصراحة ما قدرت اكمل قراءة الموضوع كامل

حسيت انه يخدش مروءة الشب اللي بيقراه

هذا مجرد رأي .. والله يعطيك العافية مرة ثانية